ಆದಿತ್ಯ ದೀಪ್

ಆದಿತ್ಯ ದೀಪ್ ವಾರಾಣಸಿಯ ಪಖಾವಜ್ ವಾದಕ. ಧ್ರುಪದ್ ಸಂಗೀತದ ಪ್ರಮುಖ ತಾಳವಾದ್ಯವೇ ಈ ಪಖಾವಜ್. 1992ರಲ್ಲಿ ಜನಿಸಿದ ಅವರು ಹನ್ನೆರಡನೇ ವಯಸ್ಸಿನಲ್ಲಿ ಡಾ. ಜಯ್ ಪ್ರಕಾಶ್ ಸಿಂಗ್ ಮತ್ತು ಪಂಡಿತ್ ಕಿಶೋರ್ ಮಿಶ್ರಾ ಅವರ ಬಳಿ ತಬಲಾ ಕಲಿಯಲು ಆರಂಭಿಸಿದರು. ನಂತರ ಹಲವು ವರ್ಷ ಪಂಡಿತ್ ಶ್ರೀಕಾಂತ್ ಮಿಶ್ರಾ (1952ರಿಂದ 2012) ಅವರ ಬಳಿ ಪಖಾವಜ್ ಅಭ್ಯಾಸ ಮಾಡಿದರು. ಬನಾರಸಿನ ಈ ಗುರು ಶ್ರೀಕಾಂತ್ ಮಿಶ್ರಾ ಉಸ್ತಾದ್ ಜಿಯಾ ಮೊಹಿಯುದ್ದೀನ್ ಡಾಗರ್, ಪಂಡಿತ್ ರಾಮಚತುರ್ ಮಲ್ಲಿಕ್ ಮತ್ತು ಪಂಡಿತ್ ಸಿಯಾರಾಮ್ ತಿವಾರಿ ಅವರಂತಹ ಕಲಾವಿದರಿಗೆ ಪಕ್ಕವಾದ್ಯ ನುಡಿಸಿದವರು. ಆದಿತ್ಯ ಅವರು ಅಲಹಾಬಾದಿನ ಪ್ರಯಾಗ್ ಸಂಗೀತ ಸಮಿತಿಯಿಂದ ತಬಲಾ ಮತ್ತು ಪಖಾವಜ್ ಎರಡರಲ್ಲೂ ಸಂಗೀತ ಪ್ರಭಾಕರ್ ಪದವಿ ಪಡೆದರು ಮತ್ತು ಬನಾರಸ್ ಹಿಂದೂ ವಿಶ್ವವಿದ್ಯಾಲಯದಿಂದ ಸಂಗೀತದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.

ಅವರು ಪಕ್ಕವಾದ್ಯ ಕಲಾವಿದರಾಗಿಯೂ ಏಕವಾದಕರಾಗಿಯೂ ವೇದಿಕೆ ಏರುತ್ತಾರೆ. ಪಂಡಿತ್ ಸಾಜನ್ ಮಿಶ್ರಾ, ಪಂಡಿತ್ ರಿತ್ವಿಕ್ ಸಾನ್ಯಾಲ್, ಗುಂದೇಚಾ ಸಹೋದರರು, ಉಸ್ತಾದ್ ಬಹಾವುದ್ದೀನ್ ಡಾಗರ್, ಪಂಡಿತ್ ಉದಯ್ ಭವಾಲ್ಕರ್, ಪಂಡಿತ್ ಪುಷ್ಪರಾಜ್ ಕೋಷ್ಟಿ ಮತ್ತು ಪಂಡಿತ್ ಪ್ರೇಮಕುಮಾರ್ ಮಲ್ಲಿಕ್ ಅವರಂತಹ ಧ್ರುಪದ್ ಗಾಯಕರಿಗೂ ವಾದಕರಿಗೂ ಅವರು ಪಕ್ಕವಾದ್ಯ ನುಡಿಸಿದ್ದಾರೆ. ಗಾಯನ, ರುದ್ರವೀಣೆ, ಸುರಬಹಾರ್, ಸರಸ್ವತಿ ವೀಣೆ ಹೀಗೆ ಹಲವು ಬಗೆಯ ಪ್ರಸ್ತುತಿಗಳಿಗೆ ಅವರು ಸಾಥ್ ನೀಡಿದ್ದಾರೆ. ಗ್ವಾಲಿಯರಿನ ತಾನಸೇನ್ ಸಮಾರೋಹ್, ವಾರಾಣಸಿಯ ಧ್ರುಪದ್ ಮೇಳಾ, ಬನಾರಸ್ ಹಿಂದೂ ವಿಶ್ವವಿದ್ಯಾಲಯದ ಧ್ರುಪದ್ ಮಹೋತ್ಸವ, ಗಂಗಾ ಮಹೋತ್ಸವ, ಸುರ್ ಗಂಗಾ 2017 ಮತ್ತು ಕಾಶಿ ಸಾಂಸದ್ ಮಹೋತ್ಸವ ಅವರ ಪ್ರಮುಖ ವೇದಿಕೆಗಳು. ಜಪಾನ್, ಸ್ವಿಟ್ಜರ್ಲೆಂಡ್, ಜರ್ಮನಿ ಮತ್ತು ನೇಪಾಳದಲ್ಲಿ ಪ್ರವಾಸ ಮಾಡಿದ್ದಾರೆ. ಪಂಡಿತ್ ರಿತ್ವಿಕ್ ಸಾನ್ಯಾಲ್ ಜೊತೆ ಕೋಲ್ಕತಾದ ಬಿಹಾನ್ ಮ್ಯೂಸಿಕ್ ಸಂಸ್ಥೆಗಾಗಿ ಧ್ರುಪದ್ ಕ್ವಾಯರ್ ಆಲ್ಬಂ ಧ್ವನಿಮುದ್ರಿಸಿದ್ದಾರೆ.

ಆದಿತ್ಯ ದೀಪ್ ಕಲಾಸುಧಾ ಅಕಾಡೆಮಿಯಲ್ಲಿ ಆನ್ಲೈನ್ ಮತ್ತು ನೇರವಾಗಿ ಪಖಾವಜ್ ಬೋಧಿಸುತ್ತಾರೆ. ಭಾರತ, ಜಪಾನ್, ಸ್ಪೇನ್, ಫ್ರಾನ್ಸ್, ಸ್ವಿಟ್ಜರ್ಲೆಂಡ್ ಮತ್ತು ಅರ್ಜೆಂಟೀನಾದ ವಿದ್ಯಾರ್ಥಿಗಳು ಅವರ ಬಳಿ ಕಲಿತಿದ್ದಾರೆ. ಏಕವಾದನದಲ್ಲಿ ಪಖಾವಜ್ ಕಛೇರಿ, ತಾಳವಾದ್ಯ ಕಛೇರಿ, ಪಖಾವಜ್ ಜುಗಲ್ಬಂದಿ ಮತ್ತು ನೃತ್ಯಕ್ಕೆ ಪಕ್ಕವಾದ್ಯ ಇವೆಲ್ಲವನ್ನೂ ಅವರು ನೀಡುತ್ತಾರೆ. ಯುಕೆ ಮತ್ತು ಯುರೋಪಿನಲ್ಲಿ ಕಲಾಸುಧಾ ಅವರ ಅಧಿಕೃತ ಪ್ರಮೋಟರ್.